Un grupo de profesores húngaros da escola KSZC Ványal Ambrus Technikum, Szakkepzon Iskolam es Kollegium visitaron o IES Frei Martín Sarmiento nas primeiras semanas de setembro. Esta actividade desenvolveuse a través dun job shadowing relacionado cun proxecto do programa Erasmus +.
Este grupo de profesores estaba formado polo director, Zsolt György Moldovan; a coordinadora de programas internacionais, Janka Kisné Barát, e as profesoras Ildikó Kun, Ida Ernesxtné Csatári e Anett Nikolett Taács. O interese da visita centrouse, dun lado, nos talleres de Formación Profesional, xa que esta escola é puramente técnica e, por outra parte, en establecer colaboracións de proxectos nun futuro próximo. Durante o tour realizado polo instituto participaron profesores, xefes de departamento e alumnado das catro familias profesionais (Electricidade, Imaxe Persoal, Sanidade e Fabricación Mecánica).
