O alumnado de 1°de Bacharelato B e C asistiu no Teatro principal á obra de teatro “Un deus salvaxe” de Talía teatro no pase que o Concello reserva en horario escolar dentro do programa Ponteatro.
Tras a actuación, houbo unha pequena charla na que os rapaces e as rapazas consultaron aos actores dúbidas sobre escenografía, posta en escena, interpretación e caracterización de personaxes, e comentaron as súas reflexións sobre os contidos tratados na representación.
