Iniciamos o trimestre recordando a visita que o alumnado de 1º de Bacharelato de Artes realizou á fantástica exposición “A cidade é a pegada”, da man de Alexandra R. Rey e Basilisa Fiestras, que nos fixeron de cicerones contándonos historias ben curiosas da nosa cidade. Alí puidemos gozar do contido da mostra, mais tamén da súa fenomenal montaxe. Tamén nos falaron de interesantes saídas profesionais para as carreiras artísticas, destacando as de comisariado e xestión cultural…
Que experiencia máis inspiradora!