O xoves 19 celebramos a graduación de ciclos formativos nun emotivo evento repleto de humor, ilusión e soños cumpridos. Os ciclos de Peiteado, Estética, Mecanizado, Laboratorio e TCAE viron recompensado o seu esforzo e dedicación ao longo desta etapa nas agarimosas palabras que recibiron das súas titoras e titores. Tamén eles agradeceron aos profes todas as leccións aprendidas e as experiencias vividas cursando estudos no noso centro.
